Amwe kalata (ამწე კალათა)

დაქირავების პროცესი ერთი ზარით იწყება, გვეუბნებით სამუშაოს ტიპს და მისამართს, ჩვენ კი გთავაზობთ იმ მოდელს, რომელიც კონკრეტულ ობიექტზე რეალურად გჭირდებათ.

ხშირად გვხვდება შემთხვევები, როცა ადამიანმა უკვე იცის, რომელი ტექნიკა უნდა, თუმცა ეზოს სიგანე ან ფასადთან არსებული მანძილი მას არ ერგება. ამიტომ, სანამ მანქანას გამოვგზავნით, რამდენიმე კითხვას გისვამთ: რა სიმაღლეზეა სამუშაო? არის თუ არა ეზოში საკმარისი ადგილი მანევრირებისთვის? გვჭირდება თუ არა დამატებითი დაშვება, მაგალითად, საერთო საცხოვრებელი კორპუსის ეზოში შესასვლელად? ეს ცოტა დამატებით დროს მოითხოვს, მაგრამ გვაძლევს საშუალებას, თავიდან ავიცილოთ სიტუაცია, როცა ტექნიკა ობიექტზე მივა და მუშაობას ვერ დაიწყებს.

ობიექტზე ოპერატორი მთელი სამუშაოს განმავლობაში რჩება. მისი ფუნქცია მხოლოდ ტექნიკის მართვა არ არის — ის ასევე ზრუნავს იმაზე, რომ სამუშაო არეალი უსაფრთხოდ იყოს მოწყობილი, სანამ თქვენ ან თქვენი გუნდი კალათაში იმყოფებით. ეს განსაკუთრებით მნიშვნელოვანია მჭიდროდ დასახლებულ უბნებში, სადაც ქვემოთ გამვლელები არიან ან ეზოში მანქანებია გაჩერებული.

ვმუშაობთ თბილისის ყველა უბანში — საბურთალო, ვაკე, დიდუბე, გლდანი, ისანი, სამგორი და საჭიროების შემთხვევაში რეგიონებშიც გამოვდივართ : ნატახტარი, მცხეთა, გორი, გუდაური , ბაკურიანი, რუსთავი, მარნეული , დიდგორი ,კაჭრეთი და სხვა. ზუსტი ინფორმაციის მისაღებად დაგვიკავშირდით და მიიღეთ საუკეთესო მომსახურება ამწე კალათები გაქირავების სფეროში.

ყველაზე ხშირად ვაქირავებთ ფასადის სამუშაოებისთვის, როგორიცაა შეღებვა, თბოიზოლაცია და აივნების რემონტი. ასევე, განათებისა და კამერების მონტაჟისთვის, ხეების ტოტების გასწორებისთვის, სარეკლამო ბანერებისა და ფასადის აბრების დასამონტაჟებლად, შეიძლება ყვავილების მიწოდებაშიც დაგეხმაროთ .

თუ სამუშაო არასტანდარტულია — მაგალითად, საჭიროა ვიწრო ეზოდან ან შენობის უკანა მხრიდან წვდომა — ამასაც წინასწარ ვამოწმებთ. ჩვენი მიზანია, გამოგზავნილმა ტექნიკამ ობიექტზე მისვლისთანავე შეძლოს მუშაობის დაწყება და დაგეგმილი სამუშაო დროულად დასრულდეს.